Shqipëria njihet si një nga vendet me prodhimin më të madh të drogës në botë. Tonelatat e tëra të sekuestrua në kufi më vendet fqinje dhe ato të sekuestruara në vend, kanë bërë që shifrat të arrijnë rekorde.

Numri i përdoruesve të drogës është tejet shqetësues në vend. Rinia gjithnjë e më shumë po bëhet viktima e substancave nga më të ndryshme.

Droga shitet kudo nëpër rrugët e kryeqytetit, madje edhe në shkollat, 9-vjeccare dhe gjimnaze.

Por kohët e fundit në Tiranë dhe në qytete të tjera të Shqipërisë ka një fenomen i cili po bëhet gjithnjë e më shqetësues. Pikat e basteve janë shndërruar në vende ku shitet dhe konsumohet nga rinia shqiptare masivisht droga.

Edhe pse qeveria e Ramës na premtoi se do t’i zhdukte pikat e basteve nga zonat e banuara, jo vetëm që kjo nuk ndodhi por kemi një shtim edhe më të madh. Tanimë nuk rrezikojnë vetëm ekonominë familjare të shqiptarëve por edhe shëndetin, përderisa janë shndërruar në skuta të errëta të kokainës dhe hashashit.

Dhe çfarë bën policia dhe qeveria në këtë drejtim? Asgjë! Premtoi ‘fund marrëzisë’ por në fakt solli ‘dyfishim marrëzie’. Jo vetëm kumar por kumar dhe drogë, të përfshira bashkë në një paketë, ofruar rinisë shqiptare si e vetmja alternativë nga Qeveria e vendit të tyre. /55news.al/