Arkitekti Olsi Eftimi është shprehur sot kundër godinës së Teatrit Kombëtar dhe restaurimit të saj. Eftimi, i cili është edhe pronar i studios ‘Atelier 4’, deklaroi në News 24 se godina mund të restaurohej nëse do të ishte e qëndrueshme. Sipas tij, godina ekzistuese nuk i ofron kushtet.

Daljet e Olsi Eftimit janë shumë të pakta në media, ndërkohë që ‘Atelier 4’ është akuzuar shpesh herë nga opozita si firma e preferuar e kryeministrit Edi Rama.

Kjo firmë ka realizuar projektet e ndërtimit dhe rikonstruksionit të Teatrit të Operas dhe Baletit, stadiumit ‘Loro Boriçi’, parkut të lodrave te liqeni i Tiranës dhe Pazarit të ri. Atelier 4 është përzgjedhur gjithashtu për realizimin e disa prej projekteve të rehabilitimit të qendrave të qyteteve në kuadër të ‘Rilindjes Urbane’.

Të gjitha këto tendera të fituara nga firma e Olsi Eftimit janë konsideruar nga opozita dhe disa media, si favorizim i kryeministrit Rama.