Policia ka arrestuar në flagrancë dy të rinjë pasi gjetën dhe sekuestruan në cilësinë e provës materiale brenda një çante, një sasi prej 21 kg e 400 gr lëndë të dyshuar si narkotike Cannabis Sativa, të cilën synonin ta trafikonin drejt Greqisë. Të rinjtë u kapën në afërsi të fshatit Kapshticë-Devoll, në vendin e quajtur “Lugina e vogël”.

Të arrestuarit janë Adriatik Rasa, 26 vjeç, banues në Lushnjë dhe Besart Skënderasi, 28 vjeç, banues në Vloçisht-Korçë.

Njoftimi i policisë:

Më datë 18.06.2018, nga shërbimet e Stacionit të Policisë Kufitare Kapshticë, në bashkëpunim me Seksionin kundër Narkotikëve, u bë kapja dhe arrestimi në flagrancë i shtetasve:

Adriatik Rasa, 26 vjeç, banues në Lushnjë.

Besart Skënderasi, 28 vjeç, banues në Vloçisht-Korçë.

Pasi në afërsi të fshatit Kapshticë-Devoll, në vendin e quajtur “Lugina e vogël”, këtyre shtetasve shërbimet policore të patrullës së kufirit të gjelbër, iu gjetën dhe sekuestruan në cilësinë e provës materiale brenda një çante, një sasi prej 21 kg e 400 gr lëndë të dyshuar si narkotike Cannabis Sativa, të cilën synonin ta trafikonin drejt Greqisë.

Punohet për identifikimin dhe kapjen e bashkëpunëtorëve të tjerë, të dyshuar si të implikuar në këtë ngjarje.

Neni 283/a/2 i Kodit Penal.