Gjatë natës mbrëmshme në lagjen “Çlirimi”, Elbasan, ka rënë zjarr në mjetin tip” Porsh”, me targa AA 177 TK, në pronësi të shtetasit M.M, 34 vjeç, banues në lagjen “11 Nëntori”, Elbasan.

Nga burimet e policisë mësohet se mjeti ishte parkuar te ish-terminali i autobuseve dhe si pasojë e flakëve mjeti ështe djegur pjesërisht.

Bëhët me dije se në vendngjarje ka shkuar grupi hetimor ku nga veprimet e para dhe deklarimet e pronarit i cili nuk ka donjë pretendim se mjeti mund ti jetë djegur qëllimisht dyshohet se ngjarja është aksidentale (shkëndijë elektrike).

Nga ana tjetër po vijon ende puna për zbardhjen e plotë të rrethanave dhe shkakut të rënies së zjarrit.