Pyje, ujë, ajër i freskët, shpendë, kafshë të egra… E ku ka më bukur. Parku Kombëtar i Shebenik Jabllanicës ofron gjithçka. Vendas e të huaj janë mahnitur kur e kanë vizituar atë.

Por ka edhe diçka më shumë, që ndonjëherë nuk ta pret mendja. Bëhet fjalë për bunkerët e kohës së Enverit.  Mjaft prej tyre ndodhen pranë ose në brendësi të këtij parku. Dhe kanë qenë këto ‘krijesa’ të diktaturës që kanë tërhequr vëmendjen e një grupi turistësh të ardhur së fundmi në këtë park.

Sipas tyre, gërshetimi i natyrës me jetën e egër dhe me këta elementë të panjohur në botë siç janë bunkerët e komunizmit, përbën surprizë për çdo turist.