Qindra turistë të apasionuar pas sporteve ujore, vihen në rrezik çdo ditë, pasi transportohen me mjete lundruese jashtë çdo standardi.

Përballë kësaj situatë, autoritetet kanë nisur një aksion për bllokimin e tyre, kryesisht në qarkun e Shkodrës, ku janë identifikur mjete lundruese artizanale e pirate, të palicencuar nga institucionet përkatëse.

Siç bën të ditur drejtoria e Përgjithshme Detare, këtë të enjte ka nisur aksioni për bllokimin e tyre, në zonën e Komanit, Vaut të Dejës, liqenit të Shkodrës, ku janë konstatuar mjete artizanale, që kanë vënë dhe vënë në rrezik jetën e turistëve.

Drejtoria e Përgjithshme Detare dhe Policia, bënë të ditur, se operacioni vijon për identifikimin, gjetjen dhe bllokimin e mjeteve të tjera që ushtrojnë aktivitet të paligjshëm në këtë drejtim.