Prodhuesi kinez i aparatëve celularë inteligjentë, Huawei së fundmi kaloi Apple, duke i zënë vendin e dytë si shitësi më i madh i smartphonëve në botë, me më shumë se 200 milionë pajisje të shitura vetëm në 6-mujorin e parë të vitit. Rritja në krahasim me vitin e kaluar përkthehet në 31%. Me një ecuri të tillë rezulton se në tremujorin e fundit të vitit të kaluar, Huawei do të bëhet prodhuesi më i madh i celularëve në botë, duke i zënë kështu vendi e parë Samsung dhe duke u konfirmuar në majën e botës.

Këto projeksione vijnë në një kohë që ngadalësimi i tregut në Kinë po zbehet. Nuk ka asnjë diskutim se ne do të jemi numri dy në botë vitin e ardhshëm, por në tremujorin e fundit ka mundësi të bëhemi edhe prodhuesi numër një”, -deklaroi kreu ekzekutiv i Huawei. Kompania kineze që prodhon një sërë modelesh për celularët, nga më të lirët deri te modelet që konkurrojnë në çmim edhe Apple apo Samsung ka njohur një rritje të konsiderushme gjatë viteve të fundit duke depërtuar edhe në tregun europian, veç atij aziatik.

Aktualisht, Huawei zë 15% të tregu global të aparatëve celularë inteligjentë. Kjo vjen pavarësisht faktit se, operatorët celularë në Shtetet e Bashkuara e kanë bojkotuar duke e nxjerrë praktikisht jashtë tregut.