Ka rënë menjëherë në sy të karabinierëve italianë në Teramo, torta e veçantë në një pastiçeri, që do të ishte surprizë për një shqiptarë që ndodhej në arrest shtëpie.

Miqtë i kishin bërë një tortë me çokollatë, dhe mbi të kartëmonedha 500 euroshe në formë tubi, që përdoren për të pirë kokainë. Mbi tortë ishte dhe pak pluhur i bardhë që simbolizon kokainën, ndërsa mbishkrimi ishte: “Edhe 100 Biphe”. 

Kjo tortë është bërë shkak që policia të vihet në ndjekje të personit që e ka porositur, nga ku rezultoi se ishte për një tjetër shqiptar i cili ndodhej në arrest shtëpie. Bashkë me tortën shqiptarit i është bërë edhe një surprizë jo shumë e këndshme nga policia italiane, e cila ndërhyri në banesë.

Ndaj shqiptarit kanë nisur hetimet pasi ai ka shkelur masën e sigurisë "arrest shtëpie" dhe gjatë festës ka qenë në prani dhe të pjesëtarëve që nuk ishin anëtarë të familjes.