27-vjeçari Sajmir Duriçi është vënë në prangat e policisë së Bulqizës sepse nga një kontroll i ushtruar nga këta të fundit në automjetin e të riut rezultoi se nën sendiljen e pasme të automjetit, që drejtohej nga Duriçi u gjet e fshehur një çantë ku brenda saj kishte një sasi lënde e dyshuar narkotike canabis sattiva.

Nga informacionet e grumbulluara dyshohet se do ta shiste  në doza të vogla.

"Në vijim të punës për parandalimin dhe goditjen e trafikimit të lëndëve narkotike si dhe mbi bazën e informacioneve të marra në rrugë operative, se një shtetas po përgatitej të shiste lëndë narkotike në doza të vogla, nga efektivët e Sektorit për Krimet në bashkëpunim me shërbimet e Komisariatit të Policisë Bulqizë, në hyrje të qytetit të Bulqizës kanë ngritur një pikë kontrolli ku kanë ndaluar një automjet me drejtues shtetasin Sajmir Duriçi, ku gjatë kontrollit të dokumentacionit rezultoi se drejtonte automjetin pa u pasur me leje drejtimi", thuhet në njoftimin e policisë.

Materialet do ti referohen   Prokurorisë Pranë Gjykatës së Shkallës së Parë Dibër,  për veprat penale “Prodhimit dhe shitje të narkotikëve” , “Drejtim i  automjetit në mënyrë të parregullt ”, parashikuar nga nenet 283/1, 291  të Kodit Penal.