Fatmir Filaj, 43 vjeç nga Berati, u arrestua nga Policia pasi i ka shkatërruar pronën një bariu në Konispol. Filaj ka shkuar në malin Pagane në Konispol dhe i ka vënë zjarrin pronës së një 46-vjeçari me iniciale Xh.D. në disa vende.
Policia e Sarandës njoftoi se ka bërë të mundur kapjen dhe arrestimin në flagrancë të Filajt, që më datë 7 shtator 2018, në malin Pagane – Konispol, ndezi disa vatra zjarri dhe dogji kullotën e Xh.D, 46 vjeç, banues në Konispol.
Materialet iu referuan Prokurorisë për veprën penale “Shkatërrimi i pronës me zjarr” parashikuar nga neni 151 i Kodit Penal.