Policia ka zbuluar në banesën e një vlonjati tritol, pistoletë, granatë e lëndë narkotike.

Në pranga ka rënë Gjergji Petani, banues në lagjen “15 Tetori”.

Gjatë operacionit të koduar "Maskimi", policia zbuloi në magazinën e katit të parë të banesës së 51-vjeçarit:

• Një pistoletë e llojit “Zastava”  me një krehër me fishekë, si dhe 161  fishekë të tjerë

• 4 kallëpe tritol, si dhe pesë ndezësa detonatore për tritol

• Një granatë ofensive si dhe 47 fishekë 7.62 mm, mod 56, (të montuara bashkë në formën e eksplozivit)

• Si dhe rreth 2 kilogramë lëndë narkotike Cannabis Sativa.

Materialet në ngarkim të këtij shtetasi do ti kalojnë Prokurorisë së Rrethit Gjyqësor Vlorë për veprime të mëtejshme për veprat penale "Prodhimi dhe shitja e narkotikëve", dhe "Prodhimi dhe mbajtja pa leje e armëve luftarake dhe municionit", parashikuar nga nenet 283 e 278 të Kodit Penal.