Sot pritej që Prokuroria e krimeve të rënda të prezantonte pretencën në gjykatë për dosjen “Shulazi”. Por ashtu siç ka ndodhur herë të tjera edhe sot është vendosur shtyrja.

Gjykata ka vendosur 2 tetorin si datën tjetër për pretencën.  Pra ka dështuar sërish pretence dhe shkak për këtë ka qenë mungesa e një avokati dhe të akuzuarve.

Në Gjykatën e Krimeve të Rënda nisi nën masa të rrepta sigurie seanca për pretencën e Emiljano Shullazit dhe grupit të tij. Ndërkohë janë zbardhur edhe emrat e prokurorëve të kësaj çështje, ata janë Besnik Muçi, Donika Prela, Anton Martini dhe Gentian Osmani

Vetëm dy ditë më parë dosja e Shullazit futi në kaos prokurorinë e Krimeve të Rënda, pasi refuzuan hedhjen e shortit për të gjykuar këtë cështje pas largimit të Elisabeta Imerajt, që u emërua drejtuese e prokurorisë në Tiranë dhe Eneid Nakucit me pretendimin se është sëmurë.