Një zjarr i madh ka rënë në Vajkan të Fierit ku për orë të tëra është duke djegur ullishten e kësaj zone.

Edhe pse për fikjen e zjarrit kanë ardhur për ndihmë edhe mjete zjarrfikëse nga Albpetroli dhe Ballshi prej më shumë se 5 orësh vazhdojnë të digjen shkurre dhe ullishte, pasi flakët janë ndihmuar edhe nga era e lehtë.

Nga përhapja e flakëve, janë rrezikuar disa shtëpi banimi dhe biznese. Ndërhyrja e zjarrfikësve ka lokalizuar përhapjen e zjarrit, duke shmangur dëmet që mund të shkaktoheshin.

Zjarri vijon në pjesën kodrinore duke e vështirësuar së tepërmi ndërhyrjen e zjarrfikësve.