Drejtori i shkollës së fshatit Doganaj të Kaçanikut, Nehad Selmani, është arrestuar pasi dyshohet të ketë ushtruar dhunë ndaj një nxënësi në shkollën e tij dhe pastaj ndaj prindit të tij.

Rastin për mediat vendore e ka konfirmuar edhe zëdhënësi i policisë së Kosovës për rajonin e Ferizajit, Agim Gashi.

“Po është arrestuar, po mbahet në paraburgim. Të njëjtit i është caktuar masa e paraburgimit për 48 orë”, ka thënë shkurt ai në një prononcim.