Një makinë është djegur paraditen e sotme në aksin rrugor Elbasan- Peqin në fshatin Bishqem.

Fillimisht kanë marrë flakë gomat, pastaj pjesa tjetër e mjetit. Djegia ka shkaktuar panik në zonë, por edhe trafik në rrugë, pasi është dashur pak kohë që të arrijë zjarrfikësja.

Paraprakisht dyshohet që mjeti të ketë marrë flakë nga një defekt. Aktualisht nuk raportohen persona të lënduar, ndërsa nuk dihet ende se kush është pronari i mjetit.