Fabian Gaxha është viktima e përplasjes me armë në zonën e Bllokut, rreth një javë më parë.
Ditën e sotme është bërë publike dhe ekspertiza mjeko-ligjore pas kqyrjes së trupit të viktimës.
Sipas raportit, në trupin e shtetasit Fabian Gaxha janë konstatuar 4 plagë tejshpuese, në vendet pranë sisës së djathtë, tjetra në linjën aksiale të majtë, pikërisht në ligamentin e majtë, në brinjën 12, tjetra në parakrahun e majtë në pjesën e brendshme të tij, në distancë 1 cm nga artikulacioni i poshtëm, vihet re një plagë 1X1 cm, si edhe një plagë në pjesën e kokës.
Nga këqyrja e kufomës u nxorën dy predha dhe një këmishë. Gjithashtu u bë sekuestrimi i një tamponi steril me mostër ADN-je, dy lastra të faktorëve plotësues të qitjes, çka tregon se viktima kishte kryer qitje.
Në përplasjen në zonën e Bllokut, mbetën të plagosur biznesmeni Ervis Martinaj dhe Eljon Hato, ndërkohë janë shpallur në Kërkim Ervin Mata, komando Mervion Bilo dhe Fabiol Alushi.