Politikat e kësaj qeverie nuk kanë qenë në mbështetje të fermerëve shqipatrë. Për pasojë mundi dhe djersa e tyre për të ngritur një fermë, apo biznes ka shkuar dëm nga papërgjegjshmëria e qeverisë së Rilindjes për ti mbështetur. Rasti konkret vjen nga Dibra, dhe denoncimi bëhet nga deputeti i PD, Xhemal Gjunkshi.

Ja denoncimi i deputetit të PD Xhemal Gjunkshi në FB:
Ky është mundi dhe djersa e dhjetëra viteve punë e familjeve Dibrane. Zoti është treguar bujar duke u dhënë prodhime të bollshme, por gjithçka po u kalbet në kavaletat që shtrihen në pemtore e oborre. Vite më parë politikat e qeverisë së djathtë mbështesnin fermerët për mbjelljen e tokave të tyre me pemtore, drurë frutorë dhe arrorë apo edhe bimë medicinale. Ndërsa prej më se 7 vitesh asnjë fermer nuk ka patur më mbështetjen e qeverisë. As Qeveria nuk ka më prioritet shtimin e sipërfaqeve të mbjella me pemtore, arrorë apo bimë medicinale. Nuk ka prioritet as markimin, garantimin e prodhimeve apo sigurimin e tregut për fermerët. Pamjet me prodhimet që kalben nëpër fusha janë treguesi më i mirë se sa e shqetësuar është Qeveria për mundin dhe djersën e fermerëve.