Para dy ditësh kryeministri Rama emëroi zëvendës ministër të Arsimit Taulant Mukën.
Muka zëvendësoi në këtë post Ervin Demon, ku ky i fundit u padit për plagjiaturë pikërisht nga i riu Taulant Muka.
Mirëpo, pranimi i këtij posti nga Muka për t’u përfshirë në një sistem që deri dje e quante “qelbësirë” ka ngjallur jo pak rritim në masë.
I indinjuar ka reaguar gazetari Edi Oga dhe aktivisti Klodi Leka, të cilin e kemi parë shpesh nëpër protesta studentore por edhe për kauza tjera publike.
Edi Oga shkruan:
ZHGËNJIM
Taulantin e njoha në një aktivitet serioz, ku fjala, idetë dhe bindjet e këtij djaloshi ishin gjithashtu serioze. Më ngjalli idenë se ka akoma shpresë në këtë vend dhe të rinj të tillë të shkolluar jashtë vendit, mund të sjellin ndryshimin e madh!
E pashë protagonist në një akuzë për plagjiaturë, akuzë e cila rezultoi në një dorëheqje dhe në një indiferencë. Gjithsesi, diçka lëvizi.
Taulanti është shfaqur hapur kritik ndaj kësaj qeverisje, madje me një fjalor të denjë vetëm për gojëndyrët e opozitës. (lexo statusin i tij i një viti më parë).
Ajo që ndodhi, është e pabesueshme!
Një kryeministër i sharë nga ky djalosh “kurajoz”, për “shërbimin” e bërë, e emëron në vendin vakant të zv/ministrit të dorëhequr!
Taulanti e pranon! Po. Pranon postin. Postin që sulmoi të një qeverie që ai e quan “qelbësirë” dhe do vijë me avion për ta rrëzuar!
E pyeta në privat për motivet, por nuk m’u përgjigj. Shkencëtari duket as nuk e percepton dot gravitetin e veprimit që ka kryer. Kaq e shijshme të jetë për të kjo kockë?
E vetmja shpresë që kisha, se të rinjtë e shkolluar në perëndim do të sillnin ndryshim në mentalitet, mu shkërmoq nga ky veprim i pakualifikueshëm.
Të rinj të mençur që keni studiuar jashtë, nëse ktheheni për t’u bërë zv/ministra të një qeverie që doni ta rrëzoni, ju kam dhj**ë mu në diploma!
U bëra sponsor i këtij djaloshi në atë event. Fola fjalët më të mira dhe e shpalla shembull për t’u ndjekur. Doli kungull edhe ky. Më ndjeni.”
Ndërsa, jo më pak i ashpër ka qenë edhe Klodi Leka, i cili i kujon Mukës që edhe Demo u bë zv.ministër pikërisht se doli kundër reformës që diskutohej asokohe.
Klodi Leka shkruan:
