Një çantë e dyshimtë poshtë shkallëve të një pallati në zonën e Unazës së Re ka alarmuar policinë e Tiranës. Mësohet se çanta është gjetur tek pallatet “Mesapliku”, ndërsa brenda saj dyshohet se ka lëndë plasëse.
“Më datë 03.11.2018, rreth orës 15:02 në zonën e “Unazës së Re” poshtë shkallëve të një kompleksi pallatesh është konstatuar një çantë në dukje e dyshimtë. Në vendngjarje ndodhen shërbimet e Policisë të Komisariatit Nr.6 të cilat kanë formuar perimetrin e sigurisë si dhe është njoftuar njësia antieksplozivë.”, thuhet në njoftimin e policisë.
