Ndotja arrin nivele alarmante në pyllin e Sodës në Vlorë. Ndërkohë që vazhdon prerja e drurëve, kjo zonë është kthyer në një hambar të madh mbeturinash që vazhdojnë të hidhen çdo ditë. Ndërkohë deri tani nuk ka asnjë person të ndaluar apo të proceduar për këtë dëm të konsiderueshëm në mjedis.

Situata e ndotjes në pyllin e Sodës mbetet një shqetësim i madh, ndërsa duket se institucionet nuk kanë gjetur ende një zgjidhje.

Pemë të prera dhe të dëmtuara për shkak të erozionit që krijohet në zonë dhe mbetje të të gjitha llojeve, janë imazhet që pylli i Sodës ofron prej vitesh.

Pavarësisht se është folur shpesh për ndërhyrje në zonë apo edhe ruajtje të saj me policinë bashkiake, asgjë nuk ka ndryshuar.

Depozitimi plehrave vazhdon po njësoj, ndërsa nga policia nuk ka asnjë person të ndaluar, të shoqëruar apo të ndjekur penalisht për ndotjen e mjedisit në këtë zonë.