Numri i martesave ulet ndjeshëm vitet e fundit në vendin tonë. Përkundër kësaj numri i divorceve është rritur në kufijtë e shifrave alarmante.

Të dhënat zyrtare flasin për ulje të ndjeshme të martesave gjatë dekadës së fundit. Rreth 25 mijë martesa figurojnë në vitin 2010 në regjistrin e gjendjes civile. Ndërsa në vitin 2018, deri në muajin shtator janë regjistruar vetëm 16 mijë e 848 lidhje në martesë.

Sociologët identifikojnë faktorët që po çojnë në uljen e numrit të martesave vitet e fundit të cilat nuk kanë të bëjë vetëm aspektin demokratik që lidhet me martesën si institucion i riprodhimit, por ka të bëjë edhe me martesën. Rënia e tyre flet për krizë të brendshme të saj, si divorci konflikte dhe probleme të tjera të saj që e gërryejnë nga brenda, bie kredibiliteti i saj dhe kjo bën që të rinjtë t’i tërhiqen martesë e të kenë frikë prej saj.

Situata bëhet edhe më serioze kur krahas uljes së numrit të martesave, ka një rritje alarmante të numrit të divorceve. Sipas shifrave zyrtare, vetëm në 2017 janë regjistruar 7.956 divorce, një tjetër sfidë sipas sociologut Tushi.

Nëse numri i martesave vijon të ulet dhe numri i divorceve të rritet, situata mund të kthehet në një kërcënim serioz për demografinë e vendit tonë, e në një të ardhme jot ë largët do të grupohemi tek popullsitë e plakura.