Fluksi i emigrantëve nga vendet e Lindjes së Mesme vijon të jetë prezentë në rajon. Shqipëria mbetet një nga shtetet që përdoret nga ato si tranzit për të kaluar drejt vendeve të perëndimit. Në qendrën e Karreçit ndodhen 40 të huaj që janë ndaluar me dokumenta të parregullta në kufirin shqiptar.

Në Qendrën e Karreçit ndodhen 40 shtetas të huaj, të cilët janë ndaluar në kufirin shqiptar pasi nuk ka qenë të pajisur me dokumenta të rregullta.

Personat që ndodhen në qendrën që është në varësi të Drejtorisë së Kufirit dhe Emigracionit vijnë nga vendet e luftës në Lindjen e Mesme dhe Shqipërine e përdorin si tranzit drejt vendeve të Evropës.

Shpëtim Ahmetaj: Shumica e tyre kërkojnë të kalojnë përmes Shqipërisë dhe kërkojnë të akomodohen ose të rrinë në Shqipëri. Aktualisht në qendrën e të huajve kemi 40 të trajtuar.

Shumica e tyre, sipas përfaqësuesit të Drejtorisë së Emigracionit dhe Kufirit, vijnë nga kufiri me Greqinë.

Shpëtim Ahmetaj: Janë të shtetësisë nga Siria, Eritrea, Pakistani, Afganistani, nga zona e Lindjes. Gjithmonë vinë nga Kakavija dhe Kapshtica, por nga Kakavija më tepër.

Drejtoria e Kufirit dhe Emigracionit pas trajtimit të të huajve të ndaluar në territorin shqiptar vendos nësë këta shtetas duhet të transferohen në Qendrën për Azilkërkuesit ose drejt vendeve të tyre të lindjes.