Kosova ka rënë në grupin A pas shortit të hedhur për kampionatin Europian të viti 2020. Kosova do të jetë në të njëjtin grup me Anglinë, Çekinë, Malin e Zi dhe Bullgarinë.
Por menjëherë pas hedhjes së shortit kanë komentuar edhe mediat serbe sa i përket grupit të Kosovës.
”Mali i Zi është në grup me Anglinë, Çekinë, Bullgarinë dhe Kosovën”, shkruan mediumi serb, B92.
Ndërsa, Telegraf.rs shkruan: ”Serbia ishte me fat në short, Mali i Zi luan me ashtu të quajturën, Kosovë!”. ”Natyrisht, ndeshja më interesante e Grupit A është se Mali i Zi luan ndaj Kosovës, ku janë edhe Anglia e Çekia”.
Kurse, Blic.rs ka shkruar: ”Serbia është renditur në vazon e tretë, kështu që nuk ka mundur të luajë me të ashtu quajturën, Kosovë”.
