Partia Demokratike ka denoncuar sot një megaskandal. Rrjedha e Lanës (në vendin e quajtur ish-serat) do të devijohet për ti hapur rrugë ndërtimit të një kompleksi rezidencial nga biznesmeni Edmond Bego, i dënuar për trafik droge.
Deputetja demokrate, Jorida Tabaku tha se Erion Veliaj, Edi Rama dhe Arben Ahmetaj kanë firmosur për këtë megaskandal. Është ndërhyrë në planin urbanistik të Tiranës për të pastruar paratë e trafikantëve, vijoi ajo.
“Do të shemben rreth 200 banesa dhe do të devijohet Lana vetëm për interesa korruptive. Bego ka privatizuar ish-serat, afërshisht 30 mijë metra katrorë dhe do të investojë vetem në nivel fillestar 60 milionë euro. Kjo tokë shtrihet buzë Unazës së Madhe. Projekti parashikon kompleks rezidenciale dhe aktualisht ka aplikuar për leje ndërtimi në bashinë e Tiranës”, vijoi denoncimin eksperti ligjor i PD Gazmend Bardhi.
