Studentët e Universitetit të Prishtinës sërish kanë paralajmëruar protestë për vizat. Ata bëjë thirrje që të protestohet për të kërkuar nga Bashkimin Evropian që të bëjë liberalizimin e vizave për qytetarët e Kosovës. Sipas njoftimit, protesta është paralajmëruar të mbahet më 10 janar para Bibliotekës Kombëtare, duke filluar nga ora 12:00. “Nuk do të ketë parti politike, organizatë studentore apo bindje fetare, por do të kërkohet e drejta e këtij populli të vuajtur e të mashtruar e të zhgënjyer. Të gjithë të bashkuar pa dallim drejtë Evropës!”, thuhet në njoftim. Ndërkaq, përveç studentëve të UP-së, këtë herë këta studentë kanë bërë thirrje që kësaj proteste t’i bashkohen edhe studentët e universiteteve të tjera, nxënësit dhe qytetarët në përgjithësi. Ndryshe, studentët e Fakultetit Filozofik me 24 dhjetor të vitit 2018, kishin organizuar protestë të ngjashme para zyrës së BE-së në Prishtinë, ku kërkonin llogaridhënie nga Bashkimi Evropian për mos liberalizimin e vizave për kosovarët./Telegrafi