Vendimi i paprecedentë që mori dje Dekanati i Fakultetit të Drejtësisë të Universitetit të Tiranës për ta transferuar atë në ambientet e gjimnazit “Petro Nini Luarasi” jo vetëm që është një vendim skandaloz por po rezulton edhe një dështim total.

Këtë vendim dekanati e mori në bashkëpunimin me Ministrinë e Arsimit me qëllimin e qartë për t’i bërë një presion të jashtëzakonshëm studentëve dhe për t’i vënë ata kundër njëri-tjetrit.

Për ta treguar veten në shërbim total të Ramës dekanati i fakultetit vijon t’i qëndrojë këtij vendimi skandaloz.

Megjithatë ajo që është vënë re sot teksa tentohej që të bëhej mësim ka pasur një bojkot total të studentëve. Në ambientet e gjimnazit janë paraqitur vetëm disa dhjetëra anëtarë të FRESSH.

Më shumë se gjysma e pedagogëve nuk janë paraqitur, madje edhe ata që kanë shkuar nuk bëjnë mësim pasi nuk ka studentë.

E gjithë ideja e Ramës dhe dekanatit në shërbim të tij është që të krijohet një iluzion që gjoja situata është normal dhe mësimi ka filluar. 55news