Është arrestuar nga policia italiane Grabova Theodhori, 25 vjeçari shqiptar  që grabiti pronarin e një lokali të njohur në Itali.

Grabova Theodhori së bashku me një hajdut tjetër e kishin pritur pronarin italian afër shtëpisë së tij dhe nën kërcënimin e armës i morën 800 euro.

Si ndodhi ngjarja?  Shtetasi italian po kthehej në shtëpi pas mbylljes së lokalit  pak pas mesnatës së të premtes në Via Loreto Gallinara në Modica Alta.

Kur ai po bëhej gati për të hapur derën e shtëpisë Theodhori së bashku me një grabitës tjetër i dolën përpara me maska dhe të armatosur me armë e thika.

Me thikën në fyt dhe nën kërcënimin e armëve, pronari i lokalit u detyrua që ti dorëzonte paratë që kishte në xhep.

Hajdutët i morën shumën prej 800 eurosh dhe u larguan në rrugicat e Corso Vittorio Emanuele, të mbuluara nga errësia e natës dhe rrugët e braktisura.

Italiani menjëherë kishte njoftuar policinë.

Ai kishte dhënë disa elementë përshkrues për të identifikuar hajdutët duke treguar se kishin theks shqiptar. Policia arriti të identifikojë Grabova Theodhorin pasi prej kohësh kishte qenë prej kohësh në vëmendjen e policisë.

Policia po punon për kapjen e grabitësit të dytë.