Ministrja e Arsimit, Besa Shahini ka dështuar të takohet me studentët në Shkodër. Ajo ka mbërritur në Shkodër këtë pasdite ku është takuar me senatin e universitetit, një takim që zgjati 40 min.
Pas takimit ajo ju drejtua sallës për të takuar studentet por takimi i saj dështoi. Ministrja u largua pasi studentët nuk pranuan që takimi të bëhej pa praninë e medias, ndërsa largimi i saj është shoqëruar me thirrjet e studentëve Turp,Turp!. Ministrja nga ana tjetër nuk pranoi që kamerat të ishin në këtë takim, duke u larguar nga një dalje tjetër e bibliotekës universitsre bashkë me Rektoritn Arben Bekteshi.
