Teksa po bëhen 3 muaj nga nisja e protestës së tyre, banorët e Astirit janë shprehur se nuk kërkojmë më shpërblime dhe lëmoshë, por largimin e Edi Ramës dhe Erion Veliajt pasi sipas tyre, ata janë persona të padëshiruar në Unazën e Re.

“Ju keni shkaktuar një dëm të madh tek fëmijët tanë por jo tek ne prindërit e tyre sepse ne do të durojmë deri në fund. Unaza e Re është simboli i qëndresës, i rezistencës, është simboli i njerëzve që nuk tërhiqen për të drejtën e tyre. Ne do të jemi këtu në çdo lloj ore, kushdo që vjen të shembë shtëpitë tona i pret benzina, i pret rezistenca jonë. Edi Rama duhet ta dish, edhe ti duhet tu hash atë që s'thuhet”, – u shpreh njëri nga banorët gjatë fjalës së tij.

Banorët e Unazës lajmëruan një takim me Presidentin e Republikës ditën e dielë.

Si cdo natë protestës së banorëve të Astirit i është bashkuar edhe deputeti i Partisë Demokratike, Klevis Balliu.