Nga Klarisa Rexhvelaj

"Urdhri i Stomatologut" ka propozuar prej kohësh disa çmime dysheme për shërbimet dentare . Çmimet e vendosura rezultojnë të jenë më të larta se aktualet duke ngritur shumë polemika e diskutime dhe logjikisht shtrohet pyetja:"A duhet vendosur apo jo?"

Shqipëria është një vend i vogël , i varfër , me rroga minimale dhe kjo bën që të këtë një pakënaqësi popullore ndaj rritjes së çmimit për çdo lloj shërbimi . Gjithashtu jemi një vend i cili nuk ka kulturë të higjenës dentare dhe tek dentisti shkojmë vetëm në gradën e fundit të dhimbjes ose për restaurime masive e të kushtueshme.

Si studente stomatologjie që shumë shpejt do të futet në tregun e punës e shikoj këtë temë me një sy tejet pozitiv.Kjo nuk ndodh për shkak të rritjes së fitimit, pasi do ta humbisnim totalisht të drejtën e të qenurit mjek nëse do mendonim në mënyre kaq egoiste .

Pozitiviteti ndaj kësaj teme qendron në këndvështrimin e rritjes së cilesisë dhe motivimit për të punuar me mirë .
Me rritjen e cmimit detyrimisht duhet të rritet dhe cilesia e materjaleve te perdorura dhe garancia e punimit.

Mjeku stomatolog do te ndihet më i motivuar për të punuar më mirë,më me kujdes dhe me materiale më cilesore, për t'i ofruar pacientit një garanci për shërbimin në një kohë më të gjatë ndër vite.

Pacienti i gjendur përpara kësaj situate ndergjegjsohet për rëndësinë e higjenes orale dhe ta kthej në zakon jetik kontrollin perjodik të dhëmbëve.

Në ditët e sotme mjek stomatolog kanë çmime sipas deshirës së tyre pasi kanë eksperiecë, kushte pune më të mira dhe kualifikime . Pacienti është ai që vendos se ku dëshiron të kurohet.

Gjithashtu me rritjen e çmimeve duhet të vij dhe rritet dhe llogaridhënia e mjekut dhe kontrollet periodike për të garantuar cilësi e punimeve dhe shëndetin e pacientit që na beson.

E thënë teorikisht tingëllon shumë bukur ,por nga e thena në të bërë, vendi ynë lë shumë për të dëshiruar.