Qeveria e drejtuar nga Edi Rama, kalon nga çmenduria në çmenduri.

Pasi erdhi në pushtet në 2013, me anë të Erion Veliajt, atëkohë ministër i Mirëqënies Sociale, ngriti një skemë pensionesh duke e rritur çdo 6 muaj moshën e daljes në pension.

Por pas dështimit të kësaj skeme, tani qeveria Rama 3, ka propozuar çmendurinë e radhës.
Qeveria propozon që shqiptarët të dalin në pension në moshën 70-vjeçare. Kjo pasi shteti nuk ka para për të paguar pensione.

Por për të paguar koncesionet që janë gjoba për shqiptarët qeveria e drejtuar nga Edi Rama ka vendosur miliona euro çdo vit në dispozicion.

Propozimi për rritjen e moshës së pensionit është bërë këto ditë nga ministrat e qeverisë Rama dhe është mbrojtur shumë edhe nga ish-ministrat, të cilët duket se kishin bërë gati këtë skemë, por nuk mundën që ta aplikonin vetë.