Kontrolli i Lartë i Shtetit ka arritur në përfundimin se 32 këndet e lojërave në kryeqytet nuk plotësojnë kushtet dhe standardet e duhura.

Pas auditimeve, KLSH ka konkluduar se këto hapësira nuk janë të mjaftueshme në raport me popullsinë, gjë që pranohet edhe nga Banorët e kryeqytetit.

"Është i mbipopulluar sepse është vetëm një park për të gjithë fëmijët"

Një tjetër problematikë e ngritur nga qytetarët është edhe gjendja e këtyre hapësirave, të cilat shpesh herë nuk plotësojnë kriteret e higjienës apo edhe të sigurisë.

"Duhet akoma më shumë. Tani në verë bëhet më shumë pluhur"

Ndërsa vetë fëmijët shprehen se do të dëshironin më shumë hapësira për të luajtur.

"Të ketë shumë fusha dhe lodra për fëmijët e vegjël"

Kontrolli i Lartë i Shtetit ka konstatuar se investimet për hapësirat e gjelbërta dhe parqet e lojërave janë bërë pa planifikim.

Specialistët e KLSH kanë rekomanduar ndërmarrjen e të gjitha hapave të nevojshme nga ana e institucioneve për hartimin dhe miratimin e standardeve për këto zona.