Një aksident ka ndodhur në Fier, ku dy automjete janë përplasur me njëra tjetrën pranë vendit ‘Rotounda e Sheqit’. Mësohet se dy automjetet që u aksidentuan ishin të tipit ‘Renault’ dhe ‘Benz’.

Nga informacionet paraprake bëhet me dije se drejtuesi i ‘Renaultit’ është lënduar nga aksidenti. Menjëherë ka mbërritur ambulanca për të transportuar të plagosurin drejt spitalit për të marrë trajtim mjekësor.

Përveç dëmeve njerëzore, aksident ka lënë edhe dëme të shumta materiale. Ndërkohë, policia ka mbërritur menjëherë në vendndodhje për të zbardhur ngjarjen e plotë, pasi ende nuk dihet shkaku i përplasjes ‘kokë më kokë’ të dy automjeteve.