Burime të 55news.al mësojnë se viktima e qëlluar në një atentat teksa vraponte nga Liqeni është Haxhi Baxhinovci. Teksa ende nuk janë bërë zyrtare shkaqet e kësaj vrasjeje mafioze, mësohet se Baxhinovci ishte një nga të dënuarit e revoltës së vitit 1984 të Qafë Barit ku u dënuan me vdekje 2 të burgosur, u vra një tjetër dhe u dënuan shumë të tjerë.
Ai është qëlluar me tre plumba, ndërsa në ato momente trupi është batuar dhe ka rënë në shkurret poshtë pistës së vrapit. Viktima ka qenë i veshur me tuta sportive, në ngjyrë të zezë.
Ekspertët janë ende në vendngjarje dhe po bëjnë këqyrjen e trupit. Po ashtu raportohet se ata po bëjnë edhe kontrolle me qen gjurmues në zonë.
Po ashtu mësohet se djali i viktimës, dëshmitar okular në ngjarje ndodhet aktualisht në ambientet e policisë ku po jep dëshminë e tij.
Policia është shprehur se ka identifikuar atentatorët ku mësohet të kenë qenë dy persona dhe po punohet për kapjen e tyre.