Një aksident i rëndë ka ndodhur mëngjesin e sotëm ne Gjirokastër ku një person ka humbur jetën dhe një tjetër është plagosur.
Mësohet se autobusi ka përplasur një makinë ku udhëtonte nje çift, e si pasojë ka humbur jetën gruaja ndërsa bashkëshorti është transportuar në spital në gjendje të rëndë për jetën.
Nuk dihen ende identitetet e personave që ndodheshin brenda në makinë.
Sakaq, bëhet me dije se autobusi me targa të Elbasanit ishte duke shkuar në drejtim të Sarandës.
Ndërkohë policia ka mbërritur në vendngjarje dhe po punon për zbardhjen e plotë të rrethanave të aksidentit.
