Qindra emigrantë protestues u përleshën me policinë në ditën e tretë të përplasjeve në Greqinë veriore të shtunën, me emigrantët që hodhën gurë ndaj oficerëve, që iu përgjigjën me gaz lotësjellës.

Autoritetet thonë se demonstratat jashtë një kampi migrues në Diavata janë shkaktuar nga raportet e rreme mbi mediat sociale se kufizimet për udhëtimet në Evropën Veriore ishin hequr.

Disa emigrantë, përfshirë fëmijët, u ndjenë keq mes reve të gazit lotsjellës. Protestuesit kanë ndezur zjarret për ta bërë ajrin më të përballueshëm. Në Athinë, emigrantët lanë një stacion hekurudhor kryesor pas bllokimit të trenave të premten dhe shërbimet rifilluan të shtunën.

Zyrtarët grekë thonë se emigrantët janë mobilizuar me raporte të rreme nga media sociale se rruga për në Evropën Qendrore, e mbyllur fort për emigrantët për tre vjet, është përsëri e hapur dhe se autobusët e marrë nga organizatat joqeveritare janë duke pritur në anën tjetër të kufiri me Maqedoninë e Veriut, rreth 60 kilometra në veri të Diavatës.