Një aksident ka ndodhur në aksin Korçë-Pogradec, në afërsi të fshatit Veliterne. Drejtuesi ka humbur kontrollin dhe për pasojë makina ka devijuar nga rruga, duke shkaktuar lëndimin e 2 personave.

Mësohet se të plagosurit ende të paidentifikuar, janë transportuar menjëherë drejt spitalit të Pogradecit, ku ndodhen jashtë rrezikut për jetën.

Forcat policore kanë mbërritur në vendngjarje për të kryer zbardhjen e rrethanave të aksidentit.