Ekstradohet nga Viena një shtetas i dënuar me burgim të përjetshëm. Nga specialistët e Interpol Tirana u bë ekstradimi nga Viena, Austri drejt vendit tonë i Viktor Pelivanit, 43 vjeç, lindur në Fier.
Ai ishte shpallur në kërkim ndërkombëtar, pasi Gjykata e Apelit Vlorë në maj të vitit 2018 e ka dënuar me burgim të përjetshëm, për veprën penale “Vjedhja me pasojë vdekjen”, kryer në bashkëpunim.
Rreth orës 23:00 të datës 7 gusht, të vitit viti 1999, Feta Kaja, Viktor Pelivani dhe Jurgen Bacja hynë në banesën e Bajram Driza dhe Natasha Driza për të kryer vjedhje në fshatin Kallm të Fierit. Pasi janë diktuar nga çifti në momentin e vjedhjes, Kaja ka qëlluar me armë zjarri duke shkaktuar vdekjen e menjëhershme të dy bashkëshortëve. Më pas kanë vjedhur në banesën e tyre një shumë të konsiderueshme parash. Çifti Driza sapo ishin kthyer nga emigrimi në Greqi.
