Marash Arraj mohon të jetë autori i vrasjes së Lazër Arrajt, krim i ndodhur dy ditë më parë në Shosh të Shkodrës. Para oficerëve të policisë gjyqsore, mësohet se Marash Arraj ka mohuar të ketë pasur gisht në ekzekutimin e djalit të tij të xhaxhit.

Ai ka deklaruar ne polici se “rreth orës 10 ka dëgjuar dy krisma, ndërkohë që bashke me të atin dhe të vëllain kanë dalë për të parë dhe aty kane gjetur kushëririn e tyre të vrarë”, e më pas lajmëroi policinë.

Policia ka gjetur dy gëzhoja automatiku në tokë, ndërkohë që plagët e gjetura në trupin e viktimës tregojnë se ai është vrare nga pas shpinës pasi dy plagët janë në pjesën e shpinës së viktimës.

Ndërkohë, mësohet se familjarët e Marash Arrajt kanë qenë në varrimin e 55-vjeçarit.

Për policinë dhe prokurorinë, Marash Arraj është autori i krimit. Ndaj tij janë ngritur akuzat për veprat penale ‘Vrasja me paramendim’ dhe ‘Armëmbajtja pa leje’”.

“Kjo ngjarje dyshohet të ketë ndodhur për konflikte të mëparshme mes familjeve”, njoftoi policia.