Pamjet e marrë mëngjesin e sotëm në Korçë kanë treguar panikun që ka kapur banorët dhe i ka detyruar të dalin me vrap jashtë nga pallatet.

Sipas TV SOT7, Lëkundjet e forta të tërmetit u ndien në orët e para të mëngjesit të së premtes në qytetin e Korçës, në orën 6.26 minuta dhe që zgjatën pak sekonda. Banorët filluan të dalin nga banesat nga frika e lëkundjeve të tjera.

Që nga 1 qershori i këtij viti në rajonin e Korçës janë ndier një valë prej dhjetëra tërmetesh, që kanë lënë edhe pasoja në dëme materiale. Rikthimi i tërmeteve krijuar situatë pasigurie te banorët. Të dhënat e para flasin për dëme në fshatin Qafëzes të Kolonjës. Tërmeti i sotëm i 1 nëntorit, pati thuajse atë fuqi sa ai i 1 qershorit pesë muaj më parë.