Humbja e peshës, është një proces shumë i mundimshëm dhe i vështirë për t’u arritur. Përhapja e madhe e ushqimeve të gatshme, ëmbëlsirave dhe produkteve të tjera jo të shëndetshme e bëjnë këtë proces edhe më të vështirë. Krahas shumë dietave, të cilat këshillohen nga profesionistë, ekzistojnë edhe disa ushqime, që nuk duhet assesi t’i konsumoni:

Sheqeri i bardhë– sipas ekspertëve, nëse dëshironi të humbni peshë në mënyrë të shëndetshme, duhet patjetër të ndaloni së përdoruri sheqerin e bardhë. Sheqeri i bardhë e rrit nivelin e yndyrës dhe sheqerit në gjak, duke ju penguar kështu të humbni peshë.

Kripa– Kur bëhet fjale për humbjen e peshës, duhet patjetër të keni kujdes edhe me përdorimin e kripës. Krahas disa llojeve të saj, të cilat janë të shëndetshme dhe të domosdoshme për organizmin, kripa e bardhë nuk rekomandohet.

Buka e bardhë– buka e bardhë ndikon në shtimin e peshës, humbjen e energjisë dhe është shumë e dëmshme për lukthin. Karbohidratet, që kjo lloj buke përmban nuk do t’iu ndihmojnë në humbjen të peshës.

Pijet me gaz– Nëse dëshironi të humbni peshë sa me shpejtë, atëherë nuk duhet të konsumoni asnjë lloj të pijeve përpos ujit.

Kafeja– edhe pse thuhet se kafeja është një metodë e mirë e humbjes së kalorive, efekti i saj mund të jetë edhe i kundërt. Konsumimi i tepërt i kafesë, sidomos asaj me qumësht mund t’iu pengoj në humbjen e peshës, prandaj rekomandohet të bëhet shmangia e konsumimit të saj.