Ngjarja e ndodhur në orët e para të mëngjesit të ditës së djeshme në zonën e “Unazës së Re” ka tërhequr dhe vëmendjen e mediave ndërkombëtare.
Ka qenë “Oservatori i Ballkanit dhe Kaukazit” i cili ka ri publikuar një shkrim të Le Courrier des Balkans të situatës së projektit me Unazën e Re, dhunës së ushtruar nga policia dhe reagimit të politikanëve shqiptarë.
Lexoni shkrimin e plotë:
Të martën në mëngjes banorët e zonës Astir në Tiranë u përpoqën të parandalojnë prishjen e 33 ndërtesave për t’i bërë vend projektit të diksutueshëm të Unazës së Re. Policia i shtypi dhunshëm.
Policia miratoi masa të rrepta për një operacion antiterror, por nuk kishte terroristë, ishte vetëm çështje e kryerjes së prishjeve të banesave për unazën në Tiranë. Për një vit, banorët e Astir janë përpjekur të bllokojnë këtë projekt të diskutueshëm i cili përfshin prishjen e më shumë se 300 shtëpive pa plane zhvendosjeje për ata që jetojnë atje ose kompensim adekuat. Është e vërtetë që shumë prej këtyre ndërtesave janë ndërtuar pa leje, por tani mënyra e shkatërrimit të tyre është gjithashtu e paligjshme.
Aksioni në mëngjesin e të martës kishte për qëllim prishjen e 33 ndërtesave, 21 prej të cilave ishin dëmshpërblyer nga Inspektorati Kombëtar i Mbrojtjes së Territorit (IKMT). Disa qytetarë u përpoqën të parandalojnë përparimin e buldozerëve dhe pësuan shtypje policore. Disa persona janë arrestuar. Dhuna jo proporcionale e përdorur nga forcat speciale për të ekzekutuar dëbimet dhe rezistenca e dhunshme e protestuesve shkaktoi 12 banorë dhe policë të plagosur, të transportuar në spitalin e Tiranës.
“Një djalë kishte një hundë të thyer, ai ishte dëbuar dhe nuk e di se ku ishte drejtuar tani”, thotë Ervin Goci, një aktivist dhe profesor i komunikimit dhe gazetarisë – i cili gjithashtu u mbajt në paraburgim për disa orë. “Situata është në prag të një sulmi shtetëror ndaj qytetarëve, ishte e frikshme, ata arrestonin njerëz kudo, në bare ose në rrugë (…)”.
Ndërkohë, kryeministri Edi Rama u transmetua në kanalin e tij televiziv ERTV (Edi Rama TV) për një takim me qytetarët në selinë e qeverisë. U diskutuan problemet e qytetarëve. Duke mos përmendur dhunën e vazhdueshme në Astir, Edi Rama kujtoi se “çdo qytetar i këtij vendi mund të gjejë një zgjidhje për problemet e tij në platformën e internetit të bashkëqeverisjes”. Në këtë “platformë” në internet të krijuar nga kabineti i Kryeministrit shqiptarët mund të regjistrohen dhe më pas të paraqesin problemin e tyre.
Presidenti shqiptar Ilir Meta, duke vizituar Parisin për të marrë pjesë në Forumin e Dytë të Paqes, tha se dhuna ishte “e papranueshme” ndërsa ai u bëri thirrje banorëve të qëndrojnë të qetë. Kreu i opozitës Lulzim Basha dënoi gjithashtu operacionin. “Të gjithë autorët e dhunës së kryer sot mbi banorët e Unazës së Re do të gjykohen në përputhje me ligjin, nga kryeministri Rama deri tek kryetari i Bashkisë së Tiranës Erion Veliaj”. Në rrjetet sociale, ky e fundit akuzoi banorët e Astirit për “sabotim të Tiranës”.
