Presidenti Ilir Meta ka vizituar në mesditë, zonat e prekura nga tragjedia e tërmetit, ku po vazhdon operacioni për kërkimin dhe shpëtimin e banorëve të mbetur nën rrënoja.

Meta e vlerësoi si të shkëlqyer, angazhimin e trupave kosovare në operacion dhe theksoi se nuk do ta humbasim shpresën deri në fund, për të mos patur viktima të tjera.

“Ndihma nga Kosova është e shkëlqyer, - tha Meta. -  Unë kam shprehur disa herë falenderime dje, kur pashë me Zv.Kryeministrin e Kosovës,  vizituam trupat, që nga aspekti profesional, të mirëpajisur dhe pastaj me ndihma të konsiderueshme. Ndihma nga të gjitha anët dhe e jashtëzakonshme. Ne nuk do ta humbasim shpresën deri në fund për të mos patur viktima të tjera.”