Bllokohet rruga në aksin Librazhd-Elbasan për shkak të rënies së gurëve. Masive dherash e gurësh kanë rënë mbi trasenë e rrugës kombëtare Librazhd-Elbasan tek “Kthesat e Murrashit” por fatmirësisht kjo ka ndodhur në një moment kur nuk ka pasur automjete duke qarkulluar, njofton BW.
Prej një ore qarkullimi është vështirësuar dhe lëvizja po kryhet në një korsi. Moti i keq i ditës së mërkurë ka përfshirë të gjithë qarkun e Elbasanit me shira të rrëmbyer të cilët kanë shkaktuar probleme në qarkullimin e automjeteve gjatë disa segmenteve të rrugës kombëtare.
