Elvis Josifi, 35 vjeç, humbi jetën ditën e djeshme gjatë punës në një kantier ndërtimi në Korçë, ndërsa u godit nga koka e vinçit që u shkëput dhe i ra mbi kokë.

Por si të mos mjaftonte humbja e jetës së të afërmit të tyre, familjarët e tij janë përplasur me përgjegjësit e firmës, ngjarje kjo e ndodhur gjatë ceremonisë mortore

Një ngjarje e rëndë ka ndodhur mesditën e së premtes në qytetin e Korçës, ku një 35 vjeçar humbi jetën pas një incidenti në punë.

Nëna e viktimës ka hedhur akuza ndaj firmës duke i akuzuar këta të fundit se i kanë vrarë djalin teksa ai punonte për bukën e gojës.

“Më vranë djalin që e kisha rritur me sakrificë dhe mundime. Djali im nuk vlen sa një drekë. Mos u tallni me gjakun e djalit tonë. Të kalben në burg ata që ma vranë dritën e syve”.

Agravimi i situatës ka ardhur pasi firma ku punonte Ervisi ka kërkuar të mbulojë shpenzimet e ceremonisë së varrimit.