Pasi kishin kaluar gjithë mbrëmjen me ushqime dhe pije, dy grupe, shqiptarësh dhe grekësh janë përleshur me njëri-tjetrin në mesnatë.

Ngjarja ka ndodhur në një fshat në zonën e Halikidikisë në Greqi.

Sipas të dhënave të medieve fqinje, në sherr janë përfshirë rreth 7-8 persona dhe nga zënka ka mbetur i plagosur me thikë, një grek 37 vjeç.

Autori dyshohet se është një shqiptar, në ndjekje të të cilit janë vendosur forcat e policisë.

I plagosuri është dërguar në spital, ku ndodhet jashtë rrezikut për jetën.