Ky është koronavirusi, që ka shkaktuar një pandemi në të gjithë planetin, duke infektuar mbi 180 mijë persona e duke i marrë jetën mbi 7000 njerëzve.
Virusi në vetvete është quajtur SARS-CoV-2 (Severe Acute Respiratory Syndrome). Sëmundja që shkakton është quajtur “Sëmundja e Koronavirusit 2019 (Coronavirus Disease 2019), ose shkurt Covid 19.
Koronavirusi është i ngjashëm me të tjerë që kanë shkaktuar sëmundje të ndryshme, nga gripi i thjeshtë e deri te SARS, i cili u përhap gjerësisht në Azi në fillim të këtij shekulli.
Diametri i tij është 1/200 milionta e milimetrit, më thjeshtë, 50 mijë copëza virusi mund të kalojnë bashkë në vrimën e një gjilpëre.
Sipërfaqja e virusit është e mbuluar me proteina të cilat i japin virusit pamjen sikur mban një kurorë, nga edhe ka marrë emrin “coronavirus”. Këto janë edhe pjesët ky shkencëtarët po punojnë më fort për të gjetur një vaksinë.
Nëse kërkuesit do të mund të gjejnë një vaksinë që t’i mësojë trupit njerëzor se si të njohë koronavirusin dhe ta shkatërrojë atë, sëmundja do të mposhtet në kohë./A2