Në një prononcim live nga selia e Partisë Demokratike për emisionin "Tempora" të Sonila Meços, lideri i opozitës Lulzim Basha Basha tha se ne nuk jemi vetëm dhe shtoi se paketa prej 50 milionë euro e dhënë nga BE duhet të administrohet me transparencë dhe kujdes.
Ai apeloi te qeveria që shuma e ndihmës të shkojë sa më shpejt tek njerëzit që kanë më shumë nevojë.
"Ne nuk jemi vetëm, ndryshe nga ç’mund të pretendohet në momente paniku. BE ka ndarë plot 50 milion euro për vendin tonë, pjesë e një paketë për të gjithë Ballkanin Perëndimor. Është një vepër bujarie dhe largpamësie, pasi alokohet me atë që bën qeveria pas 2-3 javësh kërkesash nga opozita. Është një ndihmë që nuk mund të harrohet dhe duhen falënderuar taksapaguesit evropianë. Këto para duhet të administrohen me transparencë dhe kujdes. Të shkojnë aty ka më shumë nevojë dhe të shkojnë sa më shpejt", apeloi Lulzim Basha.
