Revista “Forbes” ka përpiluar një klasifikim të pronarëve më të pasur në botë në klubet sportive dhe ku nuk janë marrë parasysh shumat e fondeve të tyre të investimeve në këto shoqëri.

Steve Ballmer
Ish-CEO i kompanisë Microsoft, Steve Ballmer, ka blerë Los Angeles Clippers, ekip në NBA, në vitin 2014 për shifrën e 2 miliardë dollarëve. Një pikë uji kjo për amerikanin 64-vjeçar, pasuria e të cilit vlerësohet në 52.7 miliardë dollarë.

Mukesh Ambani
Biznesmen indian ka bërë pasuri të madhe në industrinë petro-kimike. Sot drejton konglomeratin Reliance Industries, që është kompania private më e madhe në Indi. Mukesh Ambani dhe gruaja e tij, Nita, janë pronarë të skuadrës së kriketit Mumbai Indias. Me një pasuri prej 36.8 miliardë dollarësh, familja Ambani është më e pasura në Indi.

Françoi Pinault
Françoi Pinault bleu skuadrën e Stade Rennais nëpërmjet shoqërisë Artemis. Pasuria e familjes Pinault vlerësohet në rreth 27 miliardë dollarë dhe e bën të tretën më të pasur në Francë pas Bernard Arnaud dhe Françoise Bettencourt Meyers.

Dietrich Mateschitz
Prej 15 vitesh, bashkëthemeluesi i Red Bull, austriaku Dietrick Mateschitz, investon në sport. Pasi transformoi ish-SV Austria Salcburgun në Red Bull Salcburg, ai bleu klubin e futbollit të Nju Jorkut, duke e quajtur edhe atë Red Bull në vitin 2006. Ai është gjithashtu pronar i skuderive të Formula 1, Red Bull Racing dhe Scuderia AlphaTauri. Pasuria e tij vlerësohet në 16.5 miliardë dollarë.

Hasso Plattner

Në vitin 2010, Hasso Plattner, një gjerman 76-vjeçar, investoi në hokejin në akull duke blerë alsione të San Jose Sharks. Tre vite më pas ai u bë aksioneri kryesor i klubit të NHL. Hasso Plattner është i njohur si bashkëthemelusi i gjigantit informatil SAP AG, çka i ka lejuar të grumbullojë një pasuri prej 12.4 miliardë dollarësh.

David Tepper
2.2 miliardë dollarë. Kjo është shuma e derdhur nga biznesmeni amerikan David Tepper në vitin 2018 për të blerë Carolina Panthers, e cila u shndërrua në shifrë më të madhe të paguar ndonjëherë për të blerë nje ekip të NFL. David Tepper, pasuria e të cilit rrotullohet te 12 miliardë dollarët, është themeluesi dhe presidenti i fondit të investimeve, Appaloosa Management.

Roman Abramovitch
Në vitin 2003, oligarku rus Roman Abramovitch, pasuria e të cilit sot vlerësohet në 11.3 miliardë dollarë, bleu klubin londinez Chelsea për shumën e 150 milionë dollarëve. Për ta shitur atë sot pretendon të arkëtojë 3.9 miliardë dollarë…

Philip Anschutz
Miliarderi dhe kreu i shoqërisë Anschutz Entertainement Group, që është një nga produktorët kryesorë të eventeve muzikore, sportive dhe të argëtimit në botë. Pronari i festivalit Coachella, është gjithashtu në krye të klubit të futbollit LA Galaxy dhe të Los Angeles Kings në NFL. Pasuria e tij prek 11 miliardë dollarët.

Stanley Kroenke
Me shoqërinë Kroenke Sports & Entertainement, amerikani 72-vjeçar investoi në të gjitha ligat e mëdha të sportit. Ai është pronar i skuadrës së NFL, Los Angeles Rams, i Denver Nuggets në NBA, i Colorado Avalanche në NHL dhe i Colorado Rapids në MLS. Që prej vitit 2018, ai ka në pronësi 97% të klubit të Arsenalit.

Joseph Tsai
Bashkëthemeluesi dhe zëvendëspresidenti i grupit Alibaba, platforma më e madhe e tregtisë në linjën B2B. Tajvanezo-kanadezi Josep Tsai, 56 vjeç, ka në pasurinë e tij plot 10 miliardë dollarë. Tetorin e shkuar ai u bë pronar i 100% të aksioneve të skuadrës së NBA, Brooklyn Nets, duke e blerë atë nga rusi Mikhail Prokhorov.