Ditën e sotme ka filluar shembja e tregut të rrobave të përdorura te zona e pallatit me shigjeta.

Prishja e tregut vjen në kuadër të projektit për Unazën e Madhe.

Forcat e shumta të policisë dhe fadromat e IKMT-së ndodhen në zonë teksa këta të fundit kanë filluar prishjen.

Tregtarët shprehen për Ora News se ka 10 ditë që kanë protestuar për mosprishjen e tregut sepse aktiviteti që kishin u mundësonte mbijetesën.

Madje ata deklarojnë se do shkojnë në gjyq, pasi duan të drejta të barabarta dhe nuk duan të diskriminohen për faktin që janë pjesë e komunitetit rom.